دەنگێک کە ئێستاش زیندووە، دەنگێک کە گەلی کورد لە ناو مێشک و دڵی خۆیدا دەیپارێزێت؛ دەنگی ڕەسەن، گەل و خۆشەویستی. ئەو نە لە قوتابخانەدا پیتێکی خوێندبوو و نە لە لای مامۆستایەکی هونەری دەرسی خوێندبوو و نە لە ئاکادمییەکی هونەریی ئاواز و موزیکدا بەشداریی کردبوو، ئەو هونەرمەند و بولبولی کوردستان و دەنگی فۆلکلۆری کوردی بوو. ئەو "حەسەن زیرەک" بوو. حەسەن زیرەک هەر بەڕاستی وەکوو ناسناوی خۆی زیرەک بوو و بە زیرەکایەتی و دەنگی خۆیەوە فۆلکلۆری کوردی پاراست.
حەسەن زیرەک لە ٨ی سەرماوەزی ساڵی ١٣٠١ی کۆچی بەرانبەر بە 29ی نۆڤامبەری ساڵی ١٩٢١ی زاینی، لە شاری بۆکانی ڕۆژهەڵاتی کوردستان لەدایک بووە. هەر لە تەمەنی لاوێتیدا دەستی بە وتنی گۆرانی کردووە. ئەو بە هۆی کارکردن و دەرهێنانی بژێوی ژیان زۆربەی شارەکانی کوردستان چووە و هەر شوێنێک ڕۆیشتبێ هەر زوو بە هۆی دەنگییەوە ناوبانگی دەرکردووە.
0 تعليقات