وێنەیەکی بڵاو نەکراوەی شیوی ڕەزان کە لە

 وێنەیەکی بڵاو نەکراوەی شیوی ڕەزان کە لە

مانگی ئایاری ساڵی ( ۱۹۸۰ ) گیراوە :

.....تۆبۆگرافیای شــاری کۆیە.....

تۆبۆگرافیای قەزای کۆیە - هەڵکەوتەی تۆبۆگرافیا بەرزی و نزمی هەر ناوچەیەک پەیوەندیەکی ڕاستەوخۆی هەیه بە پێکهاتەی جیۆلۆجی و جوڵە تەکنۆنیەکان کە دووچاری ناوچەکە دێن لە هەمان کاتدا بارو دۆخی ئاوو هەوا کارێکی دیاری هەیە لەسەر دیاردە تۆبۆگرافیەکان .

دوو ناوچەی گرینگی تۆبۆگرافیا لە کۆیە بریتین لەمانە .

- ناوچەی چیا بەرزەکان

ناوچەی چیا بەرزەکان دەکەوێتە ڕۆژهەڵات و باکورو باکوری ڕۆژهەڵاتی قەزاکە نزیکەی (۲۰٪) ی ڕوبەری ناوچەی کۆیه داگیر دەکات دیاردە تۆبۆگرافەکانیش بریتین لە ( چیاکان و دۆڵەکان و دەشتەکان ) چیاکان وەکو

(زنجیره چیای هەیبەسڵتان - زنجیرە چیای باواجی - زنجیرە چیای کێشکێ - زنجیرە چیای بەنە باوی - چیای ئاوەگرد ) دۆڵەکانیش بریتین لە

(دۆڵی سماقوڵی - دۆڵی خۆشناوەتی - دەشتەکانیش وەک دەشتی گردگۆران ) .

- ناوچەی گردۆلکەو پێگردە شەپۆلاویەکان .

ئەم ناوچە بەرزایی کەمترە ئەوەش کاری کردیتە سەر کەمبونەوەی باران و ڕوەکی سروشتی لەم ناوچەیە کە بەشەکانی ناوەڕاست و باشورو باشوری ڕۆژئاوای قەزای کۆیه داگیر دەکات کە دەکاتە (۸۰٪) ی تێکڕای ڕوبەری ناوچەی کۆیە گرینگترین دیاردە تۆبۆگرافیەکانی ئەم ناوچانەش بریتین لە ( بەرزاییەکان و دەشتەکان ) بەرزاییەکان وەکو

(بەرزایی تەکەڵتو - بەرزایی چەمرگە - بەرزایی گۆڕ قەرەج) دەشتەکانیش ئەمانەن ( دەشتی کۆیە - دەشتی تارەبان - دەشتی ئەشکەوت سەقا - دەشتی هاموون - دەشتی بۆگد - کانی بی - کێلە زیندان ).

(وێنەکە لەلایەن مامۆستا هانای گوڵ بە سوپاسەوە )