گەڕەکە دێرینەکەی کۆیە

بایزئاغا، گەڕەکە دێرینەکەی کۆیە

هاوژین عەبدولواحید دەرگا کۆنەکان قفڵدراون و پەنجەرەکان شکاون و دیوارەکان روخاون، ئێستا گەڕەکێکی وێرانەیە و لە رابردوودا یەکێک بووە لە سیما هەرە جوانەکانی قەزای کۆیە. دوای بنیادنانی شارستانیەت لە کۆیەو شوێنی ئێستا دەکرێ گەڕەکی بایزئاغا بە دڵی کۆیە ناوبنرێت و کۆنترین گەڕەکە، هەڵکەوتەی جوگرافی گەڕەکەکە دەکەوێتە بەشی رۆژهەڵات و دەڕوانێت بەسەر دیمەنە جوان و دڵگیرەکەی شیوی رەزاندا، ئەم گەڕەکە چەندین تەکیەو دیوەخانی هەبووە.