ناساندنی پەرتوکی لەزاری داکمەوە

(لەزاری دایکمەوە) ناساندنی بۆ کرا دواهەمین کتێبی پڕۆفیسۆر، (د. هاوژین سڵێوە)، بە ناوی (لە زاری دایکمەوە)، ئەمڕۆ، شەممە ۳/۲/۲۰۲٤ لە (ناوەندی ئەدەی و ڕووناکبیریی کۆیە)، لە لایەن خودی نووسەرەوە ناساندنی بۆ کرا و بۆ ئامادەبووان کرایە دیاری. کتێبەکە لە یەکەم بەرهەمی (سەنتەری چاپ و پەخشی کۆیە) یە لە ساڵی نوێدا. سەرەتا لە لایەن ڕۆژنامەنووس و ڕاگەیاندکار (دێدەوانی یەعقوب) بەخێرهاتنی ئامادەبووان کرا و هەر خۆی وتەیەکیشی لەسەر کتێبەکە و فۆلکلۆر بەگشتی خستەڕوو، پاشان وتەیەک لەلایەن بەڕێز:( سەڵاحی شێخ شەرەف)، بەڕێوەبەری (سەنتەری چاپ و پەخشی کۆیە) پێشکەش کرا. لە تەوەرێکی تری کۆڕی ناساندنەکە، گفتوگۆی دایک و کوڕ دەستیپێکرد و لە بەشێکی تری کۆڕەکەش نووسەری کتێب هاتە سەر باسی ناساندنی کتێبەکە و گفتوگۆ و دەمەتەقێی بەشێک لە ئامادەبووانی کۆڕیش بەدوایدا هات. شایانی باسکردنە بڕگەیەکی تری کۆڕەکە بریتیبوو لە ڕێزلێنانێک بۆ نووسەری کتێب: ( د. هاوژین سڵێوە) لەسەر ئەرکی (حاجی کاوە کۆیی) یەوە ئامادەکرابوو و لەلایەن بەڕێز: (هێرش مەلا عومەر) ەوە پێشکەشکرا. زۆر سوپاس بۆ: ٭ پەیامنێران: (کانیاو حەکیم، مادح جەمال، هەژار ڕەشید، ) ٭ سەهەند کۆیی بۆ کاری تۆمارکردن و مۆنتاژ. ٭ وێنەگران:(کاوە عەبدوڵڵا، نەوزاد غەفوور، شەماڵ ئەحمەد) ڕاگەیاندنی ناوەندی ئەدەبی و ڕووناکبیری کۆیە شەممە 3/2/2024 ناساندنی پەرتوکی لەزاری داکمەوە ـ بەوێنە فۆتوسان کاوە